4.258.

Бөмбөлөг хэлбэртэй тоосонцор өөртөө тусах бүх гэрлийг шингээдэг гэж үзээд нарны гэрлийн даралтын хүч нь гравитац татах хүчтэй тэнцүү байх тоосонцрын радиусыг ол. Нарны гэрлийн цацаргалтын чадал $P= 4 \cdot 10^{26}$ Вт, тоосонцрын нягт $\rho= 1,0 г/см^3$.

4.257.

Модуль нь тогтмол цахилгаан $p$ моменттой диполь нь өөрийн тэнхлэгт перпендикуляраар төвийг нь дайрсан тэнхлэг тойрон $\omega$ тогтмол өнцөг хурдтай эргэлдэнэ. Диполийн цацаргалтын чадлыг ол.

4.256.

Вакуумд байгаа эгэл диполийн цацаргалтын дундаж чадал $P_0$ болно. Диполийн тэнхлэгт перпендикуляр чигт диполиос $r$ зайд (долгионы бүс) цахилгаансоронзон орны энергийн эзлэхүүн нягтын дунджийг ол.

4.255.

Вакуумд байгаа эгэл диполийн цацруулж буй цахилгаансоронзон долгионы энергийн урсгалын нягтын дундаж нь диполийн тэнхлэгт перпендикуляр чигт диполиос $r$ зайд $S_0$ утга авч буй бол диполийн цацаргалтын чадлын дунджийг ол.

4.254.

Эгэл диполийн хамгийн их цацаргалтын чиглэлд түүнээс $r_0= 10$ м зайд (долгионы бүс) цахилгаан орны хүчлэгийн далайц $E_m= 6$ В/м болно. Диполийн тэнхлэгт $\theta= 30^0$ өнцөг үүсгэх чигт диполиос $r= 20$ м зайд энергийн урсгалын нягтын дундаж утга ямар байхыг ол.

4.253.

$y$ тэнхлэг дагуу $y=a\cos{\omega t}$ хуулиар хөдөлж буй цэнэгт бөөмийг ажиглах $P$ цэг $x$ тэнхлэг дээр цэнэгээс $l$ ($l\gg a$) зайд оршино. Бөөмийн координат $y_1=0$ ба $y_2=a$ агшин дахь $P$ цэг дэх цахилгаансоронзон энергийн урсгалын нягтуудын $S_1/S_2$ харьцааг ол. Энэ харьцааг $\omega= 2,01\cdot 10^8 с^{-1}$ ба $l= 50,0$ м тохиолдолд тооцоолж гарга.

4.252.

$\pmb{B}$ индукцтэй нэгэн төрөл хөндлөн соронзон оронд хөдөлж буй релятивист биш цэнэгт бөөмийн кинетик энерги цацаргалтын улмаас хугацаанаас хамаарч буурах хуулийг ол. Ямар хугацааны дараа түүний кинетик энерги $e$ дахин багасах вэ? $B= 1,0$ Тл гэж аваад электрон ба протоны хувьд энэ хугацааг тооцоолж ол.